2022/23 mövsümü üçün transfer çalışmalarını davam etdirən "Sumqayıt" daha bir futbolçunu heyətinə qatıb.

Football-plus.az xəbər verir ki, "kimyaçılar" Türkiyə superliqası təmsilçisi "İstanbul BB" klubunun qvineyalı futbolçusu Alya Tureni 1 illik icarəyə götürüb. 20 yaşlı cinah yarımmüdafiəçisi "Sumqayıt"ın heyətində "37" nömrəli formada çıxış edəcək.

Qeyd edək ki, Alya Ture karyerası boyunca Qvineyanın "Sekvens", Türkiyənin "İstanbul BB", "Akhisarspor" və Danimarkanın "Yammerbuxt" klublarında çıxış edib.

Ture həmçinin Qvineyanın 19 yaşadək futbolçulardan ibarət milli komandasına da dəvət alıb.