Arauxonun transferi qeydə alınmadı
Müdafiəçi Xulian Arauxonun “Los Anqeles Qalaksi”dən “Barselona”ya keçidi baş tutmayıb. Tranfer FİFA tərəfindən qeydə alınmayıb.
İspaniya klubu müqaviləni rəsmiləşdirməyə yalnız 18 saniyə gecikmişdi. “Barselona” rəhbərliyi ali futbol qurumundan güzəşt əldə etməyə çalışsa da, buna nail ola bilməyib. FİFA-dan ESPN-ə belə bildirilib:
“FİFA təsdiq edə bilər ki, oyunçu Xulian Arauxonun “Los Anceles Qalaksi”dən “Barselona”ya transferi qüvvədə olan qaydalara uyğun şəkildə tamamlanmayıb”.
Xatırladaq ki, Arauxo 2019-cu ildən “Los Anceles Qalaksi”nin əsas komandasında çıxış edir. 21 yaşlı futbolçu 2022-ci ildə MLS-də 31 matçda iştirak edib, 1 qol vurub və 5 məhsuldar ötürmə verib. Xulian 2021-ci ildən Meksika millisinə çağrılır. Bir neçə gün əvvəl tərəflərin keçid şərtləri ilə bağlı razılığa gəldiyi bildirilmişdi. Futbolçunun “Barselona” ilə müqaviləsinin müddəti 2026-cı ilin iyununa kimi hesablanmışdı, lakin sistemdəki problem səbəbindən transfer nəzərdə tutulan zaman kəsiyində reallaşmayıb.
