“Yuventus”u tərk etmək qərarına gələn Corco Kyellininin yeni iş yeri böyük ölçüdə məlum olub.

37 yaşlı futbolçu qərarı könüllü şəkildə verdiyini bildirmişdi. AÇ-2020-nin qalibi Turin klubunda 2005-ci ildən oynayırdı. 9 dəfə ölkə çempionluğunu, 5 dəfə ölkə kubokunu və 5 dəfə İtaliya superkubokunu qazanan Kyellininin karyerasını Amerikada davam etdirə biləcəyi xəbər verilmişdi. Tanınmış jurnalist Fabritsio Romano onun artıq “Los Anceles Qalaksi” ilə apardığı danışıqlarda qarşı tərəflə razılığa gəldiyini bildirib. Bir neçə gün əvvəl Corconun ABŞ klubu ilə müqaviləsinin 2023-cü ilin sonuna qədər nəzərdə tutulacağı haqda xəbər yayılmışdı.