Nəhayət, Ronald Arauxonun məsələsinə aydınlıq gəlib.

“Barselona” gənc oyunçusu ilə uzun müddət aparılan danışıqlarda müsbət nəticəyə nail olub. Son xəbərlərdə 23 yaşlı uruqvaylı futbolçunun yaxın günlərdə yeni müqaviləyə qol çəkəcəyi bildirilir. Tərəflər maliyyə məsələsində anlaşsalar da, hələ ki müddətlə bağlı sual aradan qaldırılmayıb. Yerli mənbələr Arauxonun yeni müqaviləsinin çox güman 2026-cı ilə qədər nəzərdə tutulacağını qeyd edir. Onun maaşının indiki ilə müqayisədə, demək olar ki, üç dəfə yüksək olacağı da iddia edilir.