"Qəbələ" - "Sabah" oyunundan əvvəl "qırmızı-qaralar"ın baş meneceri Nail Kərimov Rövlan Muradova komadanda keçirdiyi 100-cü oyunla bağlı xatirə formasını hədiyyə etdi.

Football-plus.az olaraq, bununla bağlı Rövlanla əlaqə saxlayıb, təəssüratını öyrəndik:

"Qəbələ" mənim üçün bir ailədi. 2013-cü il yanvarın 5-dən burdayam. 10 il az vaxt deyil. Burda xoş günlərim, yaddaqalan anlarım olub. "Sabah"la oyunlarda Yaovi və Volkova verdiyim məhsuldar ötürmələr, "Zirə"yə 40 metrdən, "Neftçi"yə cərimə zərbəsindən vurdugum, Avroliqadakı assist və qolum ən yaddaqalanlardandı".