Raca Naynqqolan “Antverp”i tərk edib. O, yenidən İtaliyada çıxış edəcək.

İtaliyalı jurnalist Nikolo Skiranın məlumatına görə, 34 yaşlı yarımmüdafiəçi B seriyasında çıxış edən SPAL ilə anlaşıb. Belçikalı futbolçu ilə müddəti mövsümün sonuna qədər razılaşdırılan müqavilə imzalanıb. Onun illik qazancı 400 min avro olacaq.

Qeyd edək ki, SPAL-ın baş məşqçisi vaxtilə Naynqqolanla “Roma”da birgə çıxış etmiş Daniele De Rossidi. Raca İtaliyada yetirməsi olduğu “Pyançentsa”, “Kalyari” və “İnter”də də oynayıb.