"Aqolli ilə dünən danışdım. Məni təbrik etdi və bəzi məsləhətlər verdi. Söhbətimiz çox da uzun çəkmədi. "Qarabağ"ın tarixi ilə qısaca maraqlandım. Gördüyüm qədərilə, Aqolli burda əfsanə idi".

"Hələlik hər şey yaxşı görünür. Düşünürəm ki, adaptasiya prosesi çox tez keçəcək. Açığı, bu transfer baş tutana qədər heç nə bilmirdim. Oyun günü mənə dedilər ki, hər şey bitdi. Ola bilsin ki, komandanın bombardiri olduğum gedişimə üçün bir az üzüldülər. Amma kluba gəlir gətirdiyimə görə də sevindilər. Bu, mənim üçün ölkə xaricində ilk təcrübədi. İrəliyə doğru başqa addımlar da ata bilərəm. "Tirana"dan ayrıldığım üçün təəssüflənmirəm. Çünki orda ölkə çempionu və bombardir oldum. Paytaxt klubunda xoşbəxt idim. Darıxacağam, çünki il yarım onlarla dost yox, ailə kimi olmuşuq. Şəhər üçün darıxacağam. Amma buna ən qısa zamanda uyğunlaşmağa çalışacağam. Söz verdim ki, mayda gəlib 30-cu titulu qazanmalarını canlı izləyəcəyəm".

"Klubun direktoru və digər işçilər məni isti qarşıladılar. Azarkeşlər çoxlu sayda xoş mesajlar göndərdilər. Məşqçi və futbolçularla hələ görüşməmişəm, Çünki Bakıda deyillər, səfər oyunu var idi. Sabah hamısını görəcəyəm. Komanda Konfrans Liqasının pley-offundadır. Buna görə xoşbəxtəm. Ümid edirəm ki, qol vurub yola davam etməyimizə köməklik göstərəcəyəm".

"Əslində oyun üslubunda o qədər də fərq yoxdu. Eyni tərzdə çıxış edirlər. İnanıram ki, bu amil komandaya tez uyğunlaşmağıma şərait yaradacaq. Ailəm Albaniyanı tərk etməyimi gözləyirdi. Eyni zamanda, hər gün ölkəmdə ola bilməyəcəyim üçün üzülürəm. Amma bu, futboldu. İndi öz yolumla gedəcək, irəliyə doğru addımlayacağam".