Çexiya klubu Amit Quluzadəyə istədiyi pulu verməyib
Qəzetimizin ötən saylarında Amit Quluzadənin xarici klublardan təkliflər aldığını yazmışdıq.
Football-plus.az xəbər verir ki, futbolçu İraq klubuna “yox” deyib, Çexiyanın 1-ci liqa təmsilçisiylə danışıqlar aparmağı üstün tutmuşdu. Məsələnin nə yerdə olduğunu aydınlaşdırmaq üçün dünən Amitlə əlaqə saxladıq:
"Çexiya klubuyla maliyyə məsələsində razılığa gələ bilmədik. Mən onlara şərtimi demişdim. İndi elə yaşımdı ki, maddiyyat önə çəkilir. Təxminən bir həftə vaxt istədilər, amma sonda istədiyim məbləği verə bilməyəcəklərini söylədilər. Hazırda başqa real təklif var, onun üzərində düşünürəm. Ad açıqlamayacam, uzaq Asiya ölkəsinin elita klubu ilə danışıqlar aparıram. Təxminən bir həftəyə məsələyə aydınlıq gələcək".
ABDULLA İSMAYILOĞLU
Digər xəbərlər
