PSJ-nin oyunçularının son matçlarda geydiyi formalar hərracda satılıb. Ümumilikdə 17 futbolka yeni sahibini tapıb.

Lionel Messinin “Anje” ilə oyunda (2:0) geydiyi formanı çinli bir şəxs alıb. O, hərracın gedişində 22 min avrodan başlayaraq 7 mərc edib və 43623 avro təklif edərək qalib olub.

Qeyd edək ki, Argentina yığması ilə dünya çempionu olan Messinin forması hərracda satılan ən bahalı idman geyimi olub.

Neymarın futbolkası alıcısına 7894 avroya, Kilian Mbappenin “Lans” (1:3) və “Strasbur” (2:1) ilə matçlardakı forması isə müvafiq olaraq 14083 və 15017 avroya başa gəlib.