“Neftçi” Antalyada təlim-məşq toplanışını davam etdirir.
Komandanın futbolçusu İsmayıl Zülfüqarlı məşq prosesini dəyərləndirib. Onun fikirlərini diqqətinizə çatdırırıq:
“Hazırlıq yaxşı şəraitdə keçir. İki oyun keçirmişik. Qələbə qazanmamışıq. Amma bu matçlar bizə kömək edir. Növbəti qarşılaşmada qalib gəlməyə çalışacağıq. Uşaq futbolundan bu mövqedəyəm. 2-3 fərqli mövqedə çıxış etmək problem deyil. Məşqçi harda şans versə, orda oynayacam. Höccət Haqverdi də bizə uğurlu olar. Toplanışın sonuna daha güclü oynamağa çalışacağıq. Son matçımız var. Bundan sonra tam hazır olacağıq. “Sabah”la qarşılaşmaya hazır çatacağımızı düşünürəm”.