"Qarabağ"ın baş məşqçisi Qurban Qurbanov Azərbaycan kubokunun yarımfinalında "Qəbələ"ni məğlub etdikləri ilk oyunu şərh edib.

"CBC Sport"a danışan mütəxəssis 3:1 hesabıyla başa çatan matçla bağlı bunları deyib:

"Kubok oyunları fərqli olur. Burda komandalar daha istəkli çıxış edir. Bilirik ki, oyunun taleyi iki görüşdən ibarətdir. "Qəbələ" oyuna yaxşı hazırlaşmışdı. Texniki səhvdən qol buraxdıq. Bizim üçün asan olmadı Futbolçular əziyyət çəkdilər. Son dəqiqəyə kimi qələbə istəyi var idi. Oyundan razı qaldım. "Qəbələ" sərgilədiyi oyuna, göstərdikləri mübarizəyə görə bir çox matçda məğlubiyyətə layiq olmayıb. Bu, o komandadı ki, istədiyi an qol vura bilən hücumçuları var. Bu matçda qol buraxmağımızı istəməzdim. Buna baxmayaraq, futbolçular buraxılan topa yaxşı reaksiya verdilər.

Bir komandaya qarşı ardıcıl 3 oyun oynamaq futbolçunun xoşlamadığı şeydi. Bu, oyunçular üçün xoş deyil. Bəlkə də, son illərdə belə bir şey olmamışdı. Çempionat matçına da ciddi hazırlaşacağıq".