"Qələbələrimizlə hər kəsi sevindirməyə çalışacağıq" - Aqil Məmmədov
Türkiyədə təlim-məşq toplanışında olan "Neftçi"nin qapıçısı Aqil Məmmədov açıqlama verib.
Football-plus.az xəbər verir ki, klubun televiziyasına danışan qolkiper Antalya toplanışını dəyərləndirib:
"5 gündü yığışmışıq. Gündüz fiziki, axşam taktiki çalışmalarımız davam edir. Şükür, hər şey qaydasındadı, komandada ruh yüksəkliyi var".
Məmmədov əsas heyətdə yerini itirməsindən və az şans qazanmasından da söz açıb:
"Hər bir futbolçu oynamaq istəyir. Biz bura mübarizə aparmaq üçün gəlmişik. Hər bir futbolçu əlindən gələni edirik ki, komanda üçün yaxşı olsun. Bura "Neftçi"nin uğurları üçün yığışmışıq. Komanda şəklində bir olub, qələbələrimizlə hər kəsi sevindirməyə çalışacağıq".
Digər xəbərlər
