"Qəbələ"nin Türkiyə toplanışı davam edir. Bugünlərdə qardaş ölkəyə ezam olunan “CBC Sport”un əməkdaşları “qırmızı-qaralar”ın düşərgəsinə baş çəkib. Komandanın baş məşqçisi Elmar Baxşıyev həmkarlarımızla söhbətdə təlim-məşq toplanışını dəyərləndirib, hücumçu axtarışında olduğunu söyləyib: "Düşünürəm ki, Feras Abu Akalın uyğunlaşma ilə bağlı çətinliyi olmayacaq. Kollektiv onu yaxşı qarşıladı. Futbolçular ona komandaya güc qatması üçün lazımi dəstəyi verəcək. Komanda ilk yoxlama oyununda da göstərdi ki, yükün altında oynamağa çalışır. İnanıram ki, Ferası əsas heyətdə görəndən, Omar Hani qayıdanda sonra daha da yaxşı olacağıq. Hücumameyilli futbolçu ilə güclənsək, yaxşı olar. Hücum xəttində bir az sıxıntımız var. İzlədiyimiz futbolçular var. Bəzən onların şərtləri bizi qane etmir, bəzilərini bəyənirik, bizim şərtləri qəbul etmirlər. Bu normaldı. Axtarışlarımız davam edir".
Bölgə təmsilçisinin müdafiəçisi Murad Musayev isə bunları deyib: "Bakıda olanda fiziki hazırlıq keçdik. Burda topla oyunlara üstünlük veririk. Hər şey qaydasındadı, komandada ümumi əhval-ruhiyyə yüksəkdi. Durumumuz yaxşıya doğru gedir. Qısa zamanda əvvəlki formamızı bərpa etməyə çalışacağıq. Yeni gələn oyunçu özünü yeni hiss etmir. Həqiqətən çox yaxşı kollektivimiz var, biz bir ailəyik. Yeni gələn oyunçular maksimum bir gün çətinlik çəkə bilər. Özlərini illərdi bu komandada olmuş kimi hiss edirlər”.
RƏŞAD