Payız ağac əkini mövsümü çərçivəsində Ekologiya və Təbii Sərvətlər Nazirliyinin təşkilatçılığı ilə həyata keçirilən növbəti genişmiqyaslı ağacəkmə aksiyasına “Azərlotereya” ASC-nin nümayəndələri “Gələcəyə yaşıl miras” devizi ilə qoşulub.

Bakının Müşfiqabad qəsəbəsində baş tutan aksiyada ETSN-in və “Azərlotereya” ASC-nin rəsmiləri iştirak edib, 4 hektar ərazidə Abşeron yarımadasının iqliminə uyğun 3000 ədəd zeytun, Eldar şamı, oleandr, Şərq çinarı ağacları əkilib.

Ölkə üzrə keçirilən bu cür aksiyaların əsas məqsədi ağac əkilməsini təşviq edərək təbiətin mühafizəsinə, eləcə də sağlam ekoloji mühitin yaradılmasına töhfə vermək, gələcək nəsilə yaşıl miras qoymaqla ətraf mühitin mühafizəsini xüsusilə gənc nəslin diqqətinə çatdırmaqdı.