Polşa yığmasının baş məşqçisi Çeslav Mixneviç komandanın kapitanı Robert Levandovskinin federasiya prezidenti Tsezari Kuleşaya telefon zəngindən sonra qovulub.

Football-plus.az xəbər verir ki, "Barselona"da çıxış edən hücumçu Polşa Futbol İttifaqının (PZPN) rəhbəri ilə əlaqə saxlayaraq, oyunçuların 52 yaşlı mütəxəssislə işləmək istəmədiklərini bildirib. İddiaya görə, hətta bəzi futbolçular Kuleşanı yığmadakı karyeralarını bitirməklə hədələyiblər.

Xatırladaq ki, Mixneviç bu il dekabrın 31-də vəzifəsini tərk edəcək.