Bu gün AFFA İntizam Komitəsinin iclası keçirlib.

Football-plus.az xəbər verir ki, toplantıda Region Liqası ilə bağlı aşağıdakı qərarlar qəbul edilib:

18 dekabr 2022-ci il tarixində AFFA Region Liqasının “Karvan” – “Marxal” oyununda oyunun 90+2-ci dəqiqəsində “Marxal” komandası meydanı tərk etdiyinə görə “Marxal” komandasına 0:3 hesabı ilə məğlubiyyət verilsin. (maddə 52.1).

18 dekabr 2022-ci il tarixində AFFA Region Liqasının “Bakı Atletik” – “Dirçəliş” oyununda “Bakı Atletik” komandası təyin olunan vaxtda oyuna gəlmədiyi üçün oyunun keçirilməməsi səbəbindən “Bakı Atletik” klubuna 0:3 hesablı texniki məğlubiyyət verilsin. (maddə 55.1)
Bakı Atletik komandası artıq ikinci dəfədir oyuna gəlmir.