“İclas “Qəbələ”nin təşəbbüsü ilə keçirildi. Çox xoş təsir bağışladı. AFFA nümayəndələri də iştirak edirdi. Sırf uşaq futbolu, təxirə salınan oyunlar və başqa məsələlər müzakirə olundu. Xüsusi tapşırıqlar olmadı. Təkliflər isə klublar tərəfindən verildi. Məsələn, U-17 liqası 4 dövrədən ibarətdi. Təklif etdik ki, 3 dövrəyə endirilsin və bu qəbul olundu. Digər təkliflərimizə də normal reaksiya verildi. Bəzi oyunların keçirildiyi stadionlar var ki, vəziyyəti yaxşı deyil. Bu məsələni də AFFA nəzərə alacaq. Ümumilikdə çox xeyirli və yaxşı iclas idi”.

“Öncədən iclasın gündəliyi müəyyən olunmuşdu. Elə buna əsasən də müzakirələr baş tutdu. Əsas məqamlardan biri aşağı yaş qrupları üzrə çempionatların təqvimi, formatı ilə bağlı idi. Klubların bəzi qeydləri, iradları var idi ki, bu da detallı müzakirə olundu. İclasda bütün klubların akademiyalarının əlaqələndiriciləri iştirak edirdi. AFFA-dan isə Cahangir Həsənzadə, Fərrux İsmayılov və Yusif Vəliyev var idi. Onlar da qeydlərini götürdülər. Bəzi məqamlarla razılaşdılar, bəziləri ilə razılaşmadılar. Bir neçə məsələ iclasda həllini tapdı. Bəziləri isə Klublar Komitəsinə təqdim olunmaq üçün hazırlanır. Yəqin bu da qurumun növbəti iclasında müzakirəyə çıxarılacaq. Digər məsələlər isə milli komandaların toplanışı, məşq qrafiklərindəki çətinliklərlə bağlı idi. Bu da iclasda qabardıldı. Kadr problemləri, infrastruktur, müqavilə sistemi və başqa məslələrə də yer verildi. Amma bunlar növbəti iclasa qaldı. Bunun da səbəbi odu ki, çoxdan belə görüş baş tutmurdu və deyiləcək söz çox idi. Ona görə də bu dəfə ilkin vacib məsələlərlə bağlı müzakirə getdi. Çox xeyirli iclas oldu. Ümid edirik ki, belə toplantılar davamlı olacaq. İclasdan öncə də Fariz müəllim iştirakçıları salamladı və qeyd etdi ki, ən vacib iclas bu, uşaq futbolu ilə bağlı olandı. Çünki futbolumuzun ən yaralı yeri sayılan uşaq futbolu müzakirə olunur. İştirakçılara hansısa tapşırıq verilmədi. Müzakirə olunan məsələlər bütün nümayəndələrə məlum oldu. Hər kəs öz qeydlərini də götürdü ki, növbəti iclasda daha rahat, səliqəli müzakirələr baş tutsun. Növbəti toplantının tarixi hələ məlum deyil. Yəqin Klublar Komitəsinin iclasından sonra baş tutacaq”.

“Çox yaxşı iclas oldu. Mən bunun ildə bir neçə dəfə təşkil edilməsinin tərəfdarıyam. Vacib, maraqlı müzakirələr baş tutdu. Azərbaycan futbolunun infrastrukturu, oyunları müzakirə olundu. “Sumqayıt”ın xüsusi təklifi, istəyi olmadı. Amma başqa klubların bəzi təklifləri var idi. Təbii ki, bu təkliflər və iradlar da əsasən infrastrukturla bağlı idi. Oyunların keçirildiyi meydanların vəziyyəti heç də yaxşı deyil. Yarışların formatının müəyyən qədər dəyişdirilməsi barədə də müzakirə getdi. Bir sıra yaxşı fikirlər var idi. Əminəm ki, bu təkliflər həyata keçirilsə, Azərbaycan futbolu sürətlə inkişaf edəcək. Bu son iclas deyil, yenə bir araya gələcəyik. Bizə növbəti iclasa qədər transfer məsələlərində diqqətli olmaq məsləhət görüldü. Növbəti iclasda da bu məsələlər müzakirə olunacaq".