ABŞ Qraynerin dönüşünü alqışladı
İkiqat olimpiya çempionu Brittni Qraynerin silah taciri Viktor Butla dəyişdirildiyini xəbər vermişdik.
Dekabrın 8-də Əbu-Dabi hava limanında gerçəkləşən dəyiş-düyüşdən sonra amerikalı basketbolçu vətəninə dönüb və San-Antoniodakı hərbi tibbi mərkəzə aparılıb. ABŞ hökuməti həmin mərkəzdən hərbçilərin, agentlərin və casusların bərpası, tibbi yardımla təmin olunması yeri kimi yararlanır. Orda olimpiya çempionu lazımi bərpa-müalicə prosesi keçəcək.
Gözlənildiyi kimi, Qraynerin dönüşü ölkədə böyük ruh yüksəkliyi ilə qarşılanıb. “Bruklin”in ulduz oyun qurucusu Kayri İrvinq olaya belə reaksiya verib:
“Bi Ci, evə xoş gəldin! Əsl döyüşçü ruhu nümunəsi göstərdiyinə görə sağ ol. Həmişə sevgiyə layiq olacaqsan”.
MBA komissarı Adam Silver də dönüşlə bağlı danışıb:
“Brittni ağlasığmaz tale yaşadı. Onun evə - ailəsinin və dostlarının yanına dönüşünə görə çox sevinirik. Brittninin ədalətsiz həbsinə maraq göstərən hər kəsə minnətdarıq”.
MBA-nın ulduzu Lebron Ceyms isə ABŞ prezidenti Co Baydenə təşəkkür edib:
“ABŞ və Brittnini evə qaytaran amerikalılar üçün əla gündü. Onun varlığı idman dünyası üçün cox vacibdi. O ailəsinə çox lazımdı. Prezidentimizə, vitse-prezident Kamala Harrisə, bu proseslə bağlılığı olan hər kəsə eşq olsun. Dostum Meverik Karterin dediyi kimi, indi bir çox adam qanunsuz şəkildə dəmir barmaqlıqlar arasında saxlanılır. Onların hamısını qaytara biləcəyimizə ümid edirik”.
Digər xəbərlər
