Stoiçkov: “Neymar yaxşı oyunçudu, amma lider deyil”
Bolqarıstan futbolunun əfsanəsi Xristo Stoiçkov Qətərdə davam edən mundialla bağlı fikirlərini bölüşüb.
Football-plus.az xəbər verir ki, Lionel Messi və Argentinanın oyunu, eləcə də bu mundialda ümidləri doğriltmayan komandalar haqda danışan Stoiçkov bunları deyib:
“Messinin oyunundan hər birimiz zövq alırıq. Amma Argentinanın oyunu yaxşı mənada dəyişib. Düzdü, Leodan asılılıq hələ də mövcuddu. Bunu birdəfəlik aradan qaldırmaq mümkün deyil. Sadəcə, əvvəllər başqa oyunçular topu Messiyə verdikdən sonra dayanıb onun nə edəcəyinə baxırdılar. İndi isə topu Leoya verdikdən sonra özləri açılır, hərəkət edir, kombinasiyalı futbol oynamağa çalışırlar. Bunun sayəsində Messinin bəzən meydanda dincəlmək üçün daha çox fürsəti olur. İndi Argentina yaxşı müdafiə olunur və futbolçuların meydanda döyüşdüyü hiss edilir. Bu, çox vacib amildi. Qalib gəlmək istəyən komandada mütləq bu keyfiyyətlər olmalıdı. Braziliyanı turnirin ən böyük üzüntüsü saymaq olarmı? Fikrimcə, bəli. Onlarda olan heyəti və oyunçu bolluğunu nəzərə alsaq, mübarizəni 1/4 finalda dayandırmaları əsl fiaskodu. İspaniya haqda eyni sözləri deməzdim. İspaniyanın yaşadığı daha çox əldən verilən fürsətdi. İspanlar hazırda dünyanın iki ən yaxşı gənc yarımmüdafiəçisinə malikdi. Qavi ilə Pedrini nəzərdə tuturam. Ona görə də onlar 2026-da dünya çempionu ola bilərlər. Almaniya? Onlar da turnirin üzüntülərindən biridi. Yenə zəif çıxış etdilər. Qrup mərhələsinin hər 3 matçını imkanlarından aşağı səviyyədə keçirdilər. Pley-off üçün yetərli olacaq qədər xal toplaya bilmədilər. Almanlar üçün artıq həyəcan təbili çalmağın vaxtıdı. Düzdü, heyətdə Gündoğan, Qnabri, Musiala, Kimmix kimi oyunçular var. Amma onlar Klinsmann, Hessler, Matteus, Bremenin yerini vermir. Portuqaliya ümidləri doğrultmayan daha bir kollektivdi. Onların yaxşı heyəti var. Amma Kriştiano Ronaldo ehtiyatda qalandan sonra hiss olunurdu ki, meydanda lider yoxdu. Neymara gəlincə, yaxşı futbolçudu, amma lider deyil. Neymar heç öz ölkəsində də lider sayılmır”.
Digər xəbərlər
