Qarşıdakı mundialın favoritlərindən biri sayılan və heyətində Lionel Messi kimi superulduz olan Argentina yığması srağagün səhər saatlarında Qətərin paytaxtı Dohaya çatıb.

Amma ''albiselesta''nın yer seçimi hər kəsi təəccübləndirib. Onların 5 ulduzlu otellərdən birində qalacağı gözlənilsə də, Argentina tələbə şəhərciyində qalmağa üstünlük verib! Cənubi amerikalıların bu cür addım atmasının səbəbi oyunçulara daha çox rahatlıq vermək və daha çox barbekü məclisi təşkil etmək istəyidi. Federasiyanın bir rəsmisi bu məsələ ilə bağlı İngiltərənin ''San'' nəşrinə bunları deyib:

Komandanın qaldığı tələbə şəhərciyi ölkənin ən güclü təhsil ocaqlarından sayılan 'Qətər Universiteti'nə məxsusdu. Burda geniş bir hovuz və trenajor zalı var. Hətta ən qısa müddətdə burda 10 min azarkeş tutumuna malik bir stadion da açılacaq! Şəhərciyin qonaqlar üçün nəzərdə tutulan binasında 90 otaq var. Yəni burda Argentinanın özünü rahat hiss etməsi üçün hər cür şərait mövcuddu.

Bu arada Argentinanın düşərgəsində otaqlarda hansı futbolçuların birlikdə qalacağı da məlum olub. Bu ölkənin ''Ole'' nəşrinin yazdığına inansaq, komandanın kapitanı və lideri Lionel Messinin otaq yoldaşı olmayacaq. O, heyətdə otaqda təkbaşına qalacaq yeganə futbolçudu! Yan otaqda Nikolas Otamendi ilə Rodriqo De Paul, üzbəüz otaqda Leandro Paredeslə Anxel Di Mariya qalacaq. Messi ilk dəfə nəhəng turnirdə tək qalmağa üstünlük verib. Əvvəlki illərdə nəhəng turnirlər ərəfəsində Leo, adətən, Serxio Aquero ilə qalırdı. Amma bilindiyi kimi Aquero artıq karyerasını bitirib. Nəşrin yazdığına inansaq, DÇ-2022-nin seçmə mərhələsinin oyunları zamanı da Messi oteldə tək otaqda qalırdı. Qeyd edək ki, son hazırlıq matçında BƏƏ yığmasını 5:0 hesabı ilə darmadağın edən Argentina mundialda ilk oyununu noyabrın 22-də Səudiyyə Ərəbistanına qarşı keçirəcək. Bu komandaların yer aldığı C qrupunda Meksika və Polşa da yer alıb.