Hakim Ziyeş təqdirəlayiq qərarı ilə alqış qazanıb.

Football-plus.az xəbər verir ki, Mərakeş millisinin oyunçusu ölkəsinin kasıb təbəqəsinə daxil olan adamları sevindirib.

“Çelsi”nin 29 yaşlı yarımmüdafiəçi DÇ-2022-nin yarımfinalına vəsiqə qazandıqlarına görə milli federasiya tərəfindən ona ayrılan mükafatı almayacağını bildirib. Ziyeş məbləği hələ məlum olmayan pulu yoxsullara ayırdığını deyib. Təcrübəli futbolçu milli komandadakı çıxışına görə heç vaxt mükafat və pul almadığını da əlavə edib.

Xatırladaq ki, Ziyeş yığmada 2015-ci ildən çıxış edir. O, indiyədək milli formada 48 oyunda meydana çıxıb və 19 qol vurub.