"Sabah"ın futbolçusu karyerasını Türkiyədə davam etdirəcək? - Meneceri açıqladı
Amin Seydiyevin "Sabah"dan ayrılacağı ilə bağlı məlumat yayılıb.
Football-plus.az xəbər verir ki, bu barədə "instaqram" səhifələrindən biri paylaşım edib. İnformasiyada millimizin üzvü ilə TFF 1-ci liqa təmsilçilərindən biri və adı açıqlanmayan premyer-liqa klubu yaxından maraqlandığı bildirilib. Məsələ ilə bağlı futbolçunun meneceri Vaqif Heydərli ilə əlaqə saxladıq. Agent yayılan xəbəri təkzib etdi:
"Boş şeylərdi. Aminin "Sabah"la müqaviləsi var. İnformasiya həqiqəti əks etdirmir. Meneceri olaraq heç kimlə danışıq aparmıram".
İLKİN SULTANLI
