Messinin hərəkətinə Aquero aydınlıq gətirdi
Bir müddət öncə karyerasını başa vuran argentinalı Serxio Aquero həmyerlisi Lionel Messinin hərəkətinə aydınlıq gətirməyə çalışıb.
Xatırladaq ki, Messinin Meksika ilə oyundan sonra paltardəyişmə otağındakı hərəkəti birmənalı qarşılanmamışdı. Argentinalılar qələbəni qeyd edərkən Leo yerdəki Meksika formasını ayağı ilə itələmişdi. Meksikalılar bunu hörmətsizlik kimi qarşılamış, bu ölkədən olan super orta çəki dərəcəsində boks üzrə dünya çempionu Kanelo Alvares isə ''Allaha yalvar ki, mənim qarşıma çıxmayasan'' yazaraq argentinalı superulduza hədə qorxu gəlmişdi.
Aquero məsələ ilə bağlı öz ''tvitter'' səhifəsində bunları yazıb:
''Cənab Kanelo, bəhanə kimi səslənməsin, amma siz futbolda paltardəyişmə otaqlarında yaşanan ab-havanı bilmirsiz. Oyunlardan sonra formalar çox vaxt yerə atılır. Çünki onlar tərli olur. Həmin hadisəyə diqqətlə baxsaz, görərsiz ki, Messi ayağındakı butsunu çıxarmağa çalışır və təsadüfən ayağı ilə formaya toxunur''.
Digər xəbərlər
