İran millisi dünya çempionatında qəribə mənzərəyə səbəb olub.
Football-plus.az xəbər verir ki, dünən Uelslə qarşılaşan komanda öz azarkeşləri tərəfindən fitə basılıb.
Futbolçular oyundan əvvəl səsləndirilən dövlət himnini oxuyublar. Azarkeşlər buna etiraz olaraq komandanı fitə basıb. Xatırladaq ki, oyunçular ilk turun İngiltərə ilə oyununda ölkədəki rejimə etiraz əlaməti kimi himni oxumamışdılar və bu, iranlı azarkeşlər tərəfindən alqışla qarşılanmışdı. Qeyd edək ki, yığma üzvləri bu jestlə 22 yaşlı Məhsa Əmininin çarşabını çıxardığı üçün polislər tərəfindən öldürülməsinə etiraz etmişdilər. Futbolçuların dünənki oyunda himni oxumaqla azarkeşlərin kəskin narazılığına səbəb olub.