Azər Həşimovu istefa verməyə Rövşən Əhmədov məcbur edib? - AÇIQLAMA
Azər Həşimov istefa verərək "Mingəçevir"in baş məşqçi postundan ayrılıb.
Gənc mütəxəssis "Futbol+"ə müsahibəsində bu addımı atmağa məcbur edildiyini dilə gətirərək rəhbərliyi tənqid etmişdi.
Görəsən, klub rəsmiləri nə ediblər ki, Azər Həşimov belə açıqlama verib? Məsələ ilə bağlı fikirlərini öyrənmək üçün "Mingəçevir"in İdarə Heyətinin sədri Rövşən Əhmədovla əlaqə saxladıq. O, "Football-plus.az"a açıqlamasında sabiq məşqçi ilə hansısa probleminin olmadığını dilə gətirdi:
"Azər Həşimov özü istefa verdi. Onu komandadan heç kim göndərmədi. Vallah, mən ona pislik etməmişəm. Hətta yaxşılığım da dəyibb. AFFA-nın baş katibi Sərxan Hacıyevdən Azərlə bağlı xahişim də olub. Şəkidə Elit Məşq layihəsində çalışırdı. "Mingəçevir"ə təyinat alanda ordakı işlərində axsama olurdu. Sərxan müəllimdən xahiş etdim ki, hər iki yerdə işləməsinə icazə verilsin. Azərlə qərəzim olsaydı, bunu edərdim? Komandanın nəticələri yaxşı olmadı. Özü buna görə istefa verdi".
İLKİN SULTANLI
Digər xəbərlər
