Dünən 1-ci divizionun 11-ci turunda “Mingəçevir” “Araz Naxçıvan”ı 1:0 hesabı ilə məğlub etdi.

“Football-plus.az” xəbər verir ki, bu, Muxtar Respublika təmsilçisinin çempionatda ilk yenilgisi oldu.

Oyunda diqqəti çəkən məqam “işıqçılar”la bağlı idi. Belə ki, komandanı meydana Azər Həşimov çıxartmamışdı. Onu Samir Məmmədov əvəzləyirdi.

Məsələ ilə bağlı redaksiyamıza informasiya daxil olub. A kateqoriyalı kurslara qatılan Azər Həşimov istefa verib. Gənc mütəxəssis komandanın nəticələrinin yaxşı olmadığını nəzərə alaraq bu addımı atıb.

İLKİN SULTANLI