Argentina millisi DÇ-2022 ərəfəsində iki oyunçusunu itirib. Hər iki futbolçu hücumçudu.

Football-plus.az xəbər verir ki, “İnter”də oynayan Xoakin Korrea nəhəng turnirdə iştirak edə bilməyəcək. Yerli futbol qurumunun rəsmi saytının məlumatına görə, ona sol ayağın baldır əzələlərinin vətərində iltihabi proses diaqnozu qoyulub. Korrea bu səbəbdən dünya çempionatında komandasına kömək etməyəcək. Argentina millisinin rəhbərliyi artıq Xoakini hücumameyilli yarımmüdafiəçi Tyaqo Almada ilə əvəzləyib. “Atlanta Yunayted”də (ABŞ) oynayan 21 yaşlı futbolçu milli komandada yalnız sentyabrda debüt edib: Hondurasla yoldaşlıq oyununda 36 dəqiqə keçirib.

Mundialın başlamasına bir neçə gün qalmış heyətdə daha bir dəyişiklik edilib. Noyabrın 17-də axşam saatlarında yayılan xəbərə görə, “Fiorentina”nın zədəli hücumçusu Nikolas Qonsalesin əvəzinə milli komandaya “Atletiko”dan Anxel Korrea çağrılıb.