Artıq sabah bütün dünyanın diqqəti Qətərə yönələcək.

Bəlkə də çoxları bu günə kimi adını çəkdiyimiz ərəb ölkəsinin dünyanın siyasi xəritəsində harda yerləşdiyini bilmirdi. Ancaq dördilliyin futbol bayramı istər-istəməz Qətəri dünya mətbuatının gündəminə çıxarıb, planetin tanınmış telekanalları, internet və çap mediası hər gün bu ölkədən reportajlar yayır. Təəssüf, Azərbaycan millisi hələ o səviyyəyə çatmayıb ki, mundiala qatılsın. Bu üzdən hər dəfə dünya çempionatında hansısa yığmaya azarkeşlik etmək məcburiyyətindəyik. Azərbaycanlı futbolsevərlərin millimizdən sonra ən çox azarkeşlik etdiyi komanda olan Türkiyə də 22-ci dünya çempionatından kənarda qalıb. Şimal qonşumuz Rusiya isə məlum səbəblərdən beynəlxalq yarışlardan kənarlaşdırılıb. Ən yaxın qonşularımızdan yalnız İranın millisi dünyannın ən zəngin ölkəsinə yollanan 32 xoşbəxtdən biridi. Bu dəfə cənub qonşularımızın mundual perspektivinə toxunmaq istədik. İran futbolunu isə ölkəmizdə Ramiz Məmmədovdan yaxşı tanıyan yoxdu. Odu ki, “bu mövuzda ondan yaxşı həmsöhbət ola bilməz”, - deyə düşünüb, 54 yaşlı mütəxəssisi aradıq.

- Qonşularımızdan yalnız İran Qətərdə start götürəcək mundiala qatılacaq. Uzun illər bu ölkədə futbol oynadığınızdan, məşqçi kimi çalışdığınızdan, İran futboluna yaxından bələdsiz. İstərdik cənub qonşularımızın dünya çempionatındakı perspektivi barədə fikirlərinizi bölüşəsiz.
- İran yığması həmişə öz dəst-xətti ilə seçilib, fiziki cəhətdən hazırlıqlı komanda olub. “İkinci mərtəbə”də inamlı təsir bağışlayıblar. Bunu qatıldıqları əvvəlki dünya çempionatlarında da görmüşük. Ancaq mənə elə gəlir, bu dəfə İrandan güclü performans, uğur gözləməyə dəyməz.

- Niyə?
- Çünki neçə vaxtdı ölkə daxilində gərginlik yaşanır, müxtəlif şəhərlərdə aksiyalar keçirilir. Futbolçuların fikirləri dağınıqdı. İnanmıram ki, belə ab-havada komanda istənilən nəticəni versin. Elə özümüzdən götürək. Adamın evində bir problem olanda işə köklənə bilmir, fikri həmin problemin yanında qalır. Futbolda da belədi. Futbolçu Qətərə yollansa da, vətənində, şəhərində başverənlər barədə düşünəcək, ailəsini fikirləşəcək.

- İranda baş verən son hadisələrlə bağlı da fikirlərinizi bilmək istərdik.
- İran bizə yaxın ölkədi. İstər futbol oynadığım, istərsə də məşqçi kimi çalışdığım illərdə orda ancaq hörmət görmüşəm. İstər azərbaycanlılara, istərsə də başqa milli azlıqlara qarşı. Bu gün elə vəziyyət yaranıb ki, bilmirsən həqiqət hardadı. Siyasətçi deyilik, idmançı kimi işimizlə məşğul olmalıyıq. Yaşanan siyasi duruma siyasətçilər qiymət verə bilər. Yalnız onu deyə bilərəm ki, iki ölkə arasında çox böyük bağlılıq, doğmalıq var. Ancaq mənə də iki qonşu, qardaş ölkənin arasına erməninin girməsi çox yer edir. Necə deyərlər, ətlə dırnağın arasına girən iylənib çıxar. Allahın izni ilə erməni də bir gün iylənib kənarda qalacaq. Dünən mətbuatdan iki ölkənin rəhbərliyi arasında görüş olduğu barədə məlumat oxudum. Fikrimcə, qısa müddətdə anlaşılmazlıq aradan qalxacaq. Özünüz də bilirsiz ki, harda erməni varsa, orda fitnə-fəsad yaşanır. Qazaxıstanda başıma gələnləri bir daha yada salmaq istəmirəm. Məhz erməniyə görə ordan ayrıldım. Onlar o qədər axmaq millətdi ki, qaşınmayan yerdən qan çıxarmağa çalışırlar. O qədər yalançı və riyakar xalqdılar ki, ancaq pislik etmək istəyirlər. Ümid edirəm ki, yaxın vaxtda hər iki ölkənin siyasi xadimləri ortaq məxərəcə gələ biləcək, başverənləri obyektiv qiymətləndirəcəklər.

- Bir neçə gün öncə mətbuatda Əli Daeinin edam olunacağı ilə bağlı xəbərlər yayıldı. Sonradan İran hakimiyyətinin edam qərarını dəyişdiyi bildirildi. Əli özü isə Qətərdən gələn təklifi geri çevirib mundiala getməyəcəyini açıqladı. Və “belə çətin vəziyyətdə ölkəmi tərk edə bilmərəm” kimi açıqlama ilə yadda qaldı. Sizcə, İran hakimiyyəti tanınmış veteran futbolçunu edam edə və ya başqa ağır cəza verə bilər bilər?
- Bilirsiz ki, Əli Daei mənim yaxın dostumdu. Bir yerdə oynamışıq. Hər dəfə İrana gedəndə görüşürük. Edam barədə mətbuatda yayılan xəbərlər həqiqəti əks etdirmir. Belə qərar olmayıb. Sadəcə, bu söhbətdə də yüngülvari anlaşılmazlıq olub.

- Özü ilə əlaqə saxlamısız?
- Bu söhbət ortaya çıxanda dəfələrlə özünü arasam da, telefonuna zəng çatmadı. Ortaq dostumuz var, həm də Əlinin qohumudu. Onunla danışdım. Dedi, narahat olma, edam söhbəti medianın uydurmasıdı. Hər şey yaxşı olacaq.

- İranın dünya çempionatındakı perspektivi barədə fikirlərinizi bölüşdüz. Sizin mundialdakı favoritiniz?
- Sonuncu Amerika Kubokunda Argentinanın oyunlarını izləmişdim. Komanda çempion oldu. Messi kimi lideri olan yığmada nəsildəyişmə prosesi gedib, çox sayda istedadlı gənc milliyə dəvət olunub. Çox güclü futbolçuların yer aldığı komandadı. Fikrimcə, Qətərdə keçiriləcək dünya çempionatında Argentina çempionluğa ən real namizəddi. Mənim favoritim də elə onlardı.

- Bir qədər də bizim futboldan danışaq. Rəhbərliyində təmsil olunduğunuz “Şamaxı” son iki oyunda qələbə qazanmaqla adından söz etdirib. Komandanın gələcək planlarını bilmək istərdik, qışda heyəti gücləndirmək üçün addımlar atılacaq?
- Klub rəhbərliyinin diqqəti sayəsində komanda inkişaf edir. Məşqçilər korpusu, futbolçular rəhbərliyin dəstəyini həmişə hiss edir və bunun qarşılığını da meydanda verirlər. Gənclərdən ibarət çox yaxşı komanda formalaşıb. İnanıram ki, 2023-cü ildə “Şamaxı”nın heç olmasa, 2-3 futbolçusu milli səviyyəsinə yüksəlməyi bacaracaq.

- Yığmadan söz düşmüşkən, yəqin ki, Moldova ilə oyununu izləmisiz. Qarşıda Şimali Makedoniya ilə daha bir matç var. Son qarşılaşmada Canni de Byazinin çalışdırdığı komanda necə təsir bağışladı?
- Moldovada çox istəkli komanda gördük. Düzdü, kuryoz qollar vuruldu. Ancaq hücumu ora qədər gətirmək, o situasiyanı yetişdirmək özü belə alqışalayiqdi. Xətlərarası anlaşma pis deyildi. Ardıcıl dördüncü qələbədi. Qələbəyə kölgə salmaq olmaz. İstədiyimiz nəticədi ki, o da var. Futbolda belə deyim var: bir az pis oyna, ancaq 3 xalı götür. Futbolçular tərifəlayiq olsalar da, çox da tərifləməyək. Yoxlama görüşləri aldadıcı da ola bilər. Qarşıda yığmanı ağır qarşılaşmalar gözləyir. Açığı, bu gün bizə baxımlıdan çox, nəticəyə hesablanan oyun lazımdı. Çünki tarixdə həmişə nəticə qalır.

RƏŞAD