Bu gün əsas yığmamız növbəti yoxlama oynuna çıxıb.

Canni de Byazinin rəhbərlik etdiyi komanda Şimali Makedoniyanın qonağı olub. Bu görüşdən də üzüağ çıxan millimiz tarixinin ən uzun qələbə seriyasını 5-ə yüksəldib.

Beynəlxalq yoldaşlıq oyunu
287. Şimali Makedoniya - Azərbaycan 1:3
E. Bardi, 25 (p.) - E. Cəfərquliyev, 38, M. Qurbanlı, 65, R. Şeydayev, 89
Qırmızı vərəqələr: B. Nikolov, 53 - H. Haqverdi, 75
Şimali Makedoniya: 22.Damyen Şişkovski, 3.Stefan Aşkovski, 5.Nikola Serafimov, 6.Visar Musliu, 7.Elif Elmas, 8.David Babunski, 10.Enis Bardi, 13.Stefan Ristovski (k), 16.Boban Nikolov, 23.İliya Nestorovski, 24.Lyupçe Doriyev.
Ehtiyat oyunçular: 1.Stole Dmitriyevski, 12.Kristiyan Naumovski, 26.İqor Aleksovski, 2.Todor Todoroski, 4.Kire Ristevski, 9.Boyan Miovski, 11.Yani Atanasov, 14.Darko Velkovski, 15.Eqzon Beytulay, 17.Valon Etemi, 18.Aqon Elezi, 19.Dorian Babunski, 20.Stefan Spirovski, 21.Martin Mirçevski, 25.Aleksandar Dimovski.
Baş məşqçi: Blaqoya Milevski.
Azərbaycan: 12.Şahruddin Məhəmmədəliyev, 4.Bəhlul Mustafazadə, 6.Höccət Haqverdi, 8.Emin Mahmudov (k), 11. Ramil Şeydayev, 15.Bəxtiyar Həsənəlizadə, 19.Elvin Cəfərquliyev, 20.Riçard Almeyda, 21. Ozan Can Kökçü, 22.Aleksey İsayev, 24. Musa Qurbanlı
Ehtiyat oyunçular: 1.Emil Balayev, 23.Səlahət Ağayev, 2.Amin Seydiyev, 3.Azər Salahlı, 5.Cəlal Hüseynov, 7.Namik Ələskərov, 9.Renat Dadaşov, 10.Mahir Emreli, 13.Anatoli Nuriyev, 14.Ceyhun Nuriyev, 16.Elvin Camalov, 17.Toral Bayramov, 5.Anton Krivotsyuk, 25.Rövlan Muradov, 26.Qismət Alıyev
Baş məşqçi: Canni De Byazi.
Hakimlər: ENEA YORQYİ, İlir Tartaray Doyando Miftari (hamısı Albaniya), Yovan Kaçevski (Şimali Makedoniya).
20 noyabr. Skopye. Todor Proeski adına Milli Arena. Saat 17.00

Moldovanı məğlub edərək tarixində ilk dəfə ardıcıl 4 görüşdə qələbə qazanan milli rekordunu yeniləmək niyyətindədi. Lakin bu dəfə qarşıya qoyulan məqsədə çatmaq o qədər də asan olmayacaq. Şimali Makedoniya olduqca güclü rəqibdi. Komanda DÇ-2022-nin pley-offunda İtaliyanı məğlub edərək mundialdan kənarda qoysa da, Portuqaliya səddinə “ilişdi”. Buna əsasən rəqibin gücü aşkar bəlli olur. Lakin yığmamızın üzvləri artıq ortabab və öz səviyyəsində olan komandalarla oynamağa alışıb. Hətta bu rəqibləri məğlub da edə bilirik. Yığma Şimali Makedoniyanı da məğlub etsə, inkişafda olduğunu sübut edəcək. Bu da AÇ-2024-ün seçmə mərhələsinə ümidli başlamağımıza səbəb olacaq. Bunun üçün indiyə kimi məğlub edə bilmədiyimiz makedoniyalıları üstələməliyik.

Ümumiyyətlə, bu komandalar indiyə kimi 7 dəfə üz-üzə gəlib. Bu görüşlərin 5-də makedonlar qələbə qazanıbsa, 2-si heç-heçə başa çatıb. Topların nisbətində də rəqib öndədi - 14:5.

27.07.2000 Varna. YO. Makedoniya – Azərbaycan 2:1
06.10.2000 Skopye. DÇSO. Makedoniya – Azərbaycan 3:0
05.09.2001 Bakı. DÇSO. Azərbaycan – Makedoniya 1:1
29.05.2010 Avstriya. YO. Azərbaycan – Makedoniya 1:3
10.08.2011 Bakı. YO. Azərbaycan – Makedoniya 0:1
29.05.2016 Avstriya. YO. Azərbaycan – Makedoniya 1:3
27.03.2018 Türkiyə. YO. Azərbaycan – Makedoniya 1:1

İLKİN SULTANLI