Arif Əsədov De Byazi üçün "casusluq" edib
Sabah Azərbaycan millisi növbəti yoxlama görüşünü keçirəcək.
"Football-plus.az" xəbər verir ki, yığmamız Şimali Makedoniyanın qonağı olacaq. Maraq üçün qeyd edək ki, millimizin məşqçisi Arif Əsədov rəqibin Finlandiya ilə 1:1 hesabı ilə başa çatan oyununu izləyib. Görəsən, Canni de Byazi nə üçün yoldaşlıq görüşü üçün rəqibin matçına "casus" göndərib? Buna gərək var idi? Sualımızı Arif Əsədov belə cavabladı:"Moldova ilə oyunun ertəsi Şimali Makedoniyaya yollandıq. Vaxtımız var idi deyə rəqibin Finlandiya ilə görüşünü izlədik. Səbəb sadə idi: Şimali Makedoniya güclü rəqibdi. Onların heyətində Avropanın müxtəlif ölkələrində çıxış edən futbolçular var. Dünya çempionatının pley-offunda İtaliyanı mübarizədən kənarlaşdırdılar. Topa nəzarət etməyə çalışan, texnikaya üstünlük verən komandadı. Təbii ki, zəif tərəfləri də var. Onları müəyyənləşdirmək üçün Finlandiya ilə oyunlarını izlədik. Onları təhlil etdik. Rəqibə qarşı necə mübarizə aparmalı olduğumuzu baş məşqçinin diqqətinə çatdırdım. Burda başqa, qeyri-adi nəsə yox idi".
İLKİN SULTANLI
Digər xəbərlər
