"Klub olaraq məqsədlərimizdən biri də yığmalar üçün futbolçu yetişdirməkdi. Bombardirimiz Cəlal Cəbrayılovun kənarda qalması bizə də qaranlıq qaldı. Öz futbolçumuz olduğuna görə demirəm, hazırda yaxşı formadadı, 1-ci divizionun bombardiridi. Əslində tək o yox, Kamal Kazımovla Əli Abdullayev də hazırda yaxşı formadadı. Düşünürəm ki, bu üç oyunçumuz U-21 üçün yetişib. Cəlal U-19-a qədər olan yığmalarda da çıxış edib. Dəfələrlə U-21-in məşqçilərinə və seleksiyaçılarına adı çəkilən futbolçularla bağlı müraciət etmişik ki, gəlib oyunlarını izləsinlər. Ola bilər, U-21-in məşqçilərinin taktiki sxemlərinə uyğun gəlməsinlər. Bununla bağlı deyiləcək bir sözümüz yoxdu. Amma üçü də bu gün yaxşı formadadı və milliyə fayda verə biləcəklərini düşünürəm. Onlara başqa klublardan da təklif gəlib. Sadəcə, komandamızda qalmağı seçiblər. "Zaqatala" daha çox ev komandasıdı. Səfər oyunlarımza köklənməkdə bir qədər problem yaşayırıq. Doğma meydanda isə döyüşürük, cari mövsümdə evdə hələ uduzmamışıq. Mən millinin baş məşqçilərini və seleksiyaçılarını ev oyunlarımıza gəlib futbolçularıma yaxından baxmağa dəvət edirəm. Son illərdə "Zaqatala"dan milliyə futbolçu çağrılmaması bizi üzür".