"Məşqçi olmasaydım, bu turnirdə futbolçu kimi oynayardım" - Qurban Qurbanov
“Burda olmaq çox xoşdu. İlk dəfədi ki, belə tədbirdə iştirak edirəm. Komandamız Avropa çempionu olanda izləmişdik, çox sevinmişdik. Bakıda çox böyük sevinc var idi, hamı şəhərdə komanda ilə idi . Orxan bəyə belə layihəyə görə təşəkkür edirəm. Hamımız qeyri-peşəkar deyirik. Amma bu, ən sevilən idman növlərindən biridi".
"Football-plus.az" xəbər verir ki, bu sözləri "Qarabağ"ın baş məşqçisi Qurban Qurbanov mini-futbol üzrə Azərbaycan çempionatının püşkatma mərasimindən sonra deyib. Mütəxəssis daha sonra bildirib ki, çempionluq əldə olunsa, bəlkə də gələcəkdə futbolumuz üçün çox böyük təkan olacaq:"Qeyri-peşəkar turnirdə Avropa çempionu oluruq, ölkə başçısı komandanı qəbul edirsə, bu, böyük təkan olacaq. Hər birinizə təşəkkür edirəm. Çox maraqla, sevə-sevə baxırdım oyununuza. Buradakı komandaları gördüm, “Dəmir Yumruq”, “Birbaşa”. İmkan olanda bəzi oyunları izləməyə gələcəm. Həmin matçlara baxanda, bizim futbolda görmədiyimiz epizdolar olurdu. Liqa oyunlarına baxmağa çalışacam. Keçmiş futbolçularımı gördüm, Vaqif Cavadov, Ruslan Abışovu. Rəşad Sadıqovla da təmasda oluram. Burada hamını görmək xoş oldu. Bəzi oyunçular var ki, “Qarabağ”da oyayıblar, indi minifutbolda çıxış edirlər. Məşqçi olmasaydım, bu turnirdə futbolçu kimi oynayardım. Dünya çempionatında milli komandaya uğurlar arzulayıram".
Digər xəbərlər
