Region Liqasından 1-ci diviziona adlamaq üçün lisensiya lazım deyil
Dünən Klublar Komitəsinin növbəti iclası keçirilib.
Football-plus.az xəbər verir ki, Peşəkar Futbol Liqasının saytının iclasla bağlı yaydığı məlumatda yer alan bir məqam diqqətimizi çəkdi. Belə ki, Lisenziyalaşdırma Qrupunun rəhbəri Elçin Məmmədov klubların lisenziyalaşdırılması üzrə yeni qaydalarda ötən mövsümlə müqayisədə baş verən mühüm dəyişikliklər barədə təqdimatla çıxış edib. Dünənki iclasla bağlı Elçin bəyin fikirlərini öyrənməyi lazım bildik:
"Mən sırf lisenziyalaşma ilə bağlı mövzuda danışdım. Bu məsələylə bağlı ötən ayın 31-də menecerlərə dəyirmi masada daha ətraflı çıxış etmişdim. Bu dəfə də qısa xülasə ilə hımin çıxışımı təkrarladım".
Məmmədov “gələcəkdə daha çox kluba lisenziya veriləcəkmi” sualımıza da aydınlıq gətirdi:
"Region Liqasından 1-ci diviziona keçid etmək üçün lisenziyaya ehtiyac yoxdu. PFL-in indiki nizamnaməsinə əsasən 3 il fəaliyyət göstərən istənilən komanda aidiyyatı qurumları müraciət edə bilər. 1-ci diviziondan elitada çıxış üçün isə müəyyən şərtlərlə nəzərdə tutulan lisenziyaya sahib olmalısan. Onu da qeyd edim ki, bizdə lisenziya şərtləri UEFA-nın bununla bağlı müəyyənləşdirdiyi tələblərdən daha yumşaqdı. Yeri gəlmişkən, 1-ci diviziondakı bütün klublar növbəti mövsüm premyer-liqada iştirak üçün müraciət edib”.
Lisenziyalaşdırma Qrupunun rəhbəri gələcəkdə lisenziya şərtlərinin yumşaldılmasının mümkünlüyünə də toxundu:
"Premyer-liqada çıxış üçün nəzərdə tutulan lisenziyanın şərtləri AFFA İcraiyyə Komitəsi səviyyəsində öyrənilir və qəbul olunur. Odu ki, gələcəkdə şərtlərinin yumşaldılıb-yumşaldılmaması ilə bağlı qərarı yenə də İcraiyyə Komitəsi verə bilər".
ABDULLA İSMAYILOĞLU
Digər xəbərlər
