“Barselona”nın hücumçusu Robert Levandovski ardıcıl ikinci il “Qızıl buts”a yiyələnib.

Ötən mövsüm “Bavariya”nın şərəfini qoruyan polşalı bundesliqanın 2021/22 mövsümündə keçirdiyi 34 oyunda 35 qol vurub və 70 xal toplayıb. 2-ci yeri PSJ-nin forvardı Kilian Mbappe tutub (28 qol, 56 xal). Çiro İmmobile (Latsio) və Kərim Benzema (Real) hərəyə 54 xal toplayıb (A seriyasında və La Liqada 27 qol).

Xatırladaq ki, yayda “Bavariya”nı “Barselona”ya dəyişən Levandovski ötən il də bundesliqada 41 qol vurduğuna görə “Qızıl buts” almışdı.