“Əlbəttə, hamımız "Qarabağ"ın "Fiorentina"dan başqa digər rəqibləri keçəcəyini düşünürdük. Yalnız "Fiorentina" ilə qarşılaşmağı istəmirdik. Müqayisədə İtaliya klubu daha güclüdü. Hazırki rəqibi ilə ağdamlılar daha yaxşı oynaya bilər. Komandanın çıxışı bunu sübut edir. “Gent” heç də "Nant", "Frayburq" və "Olimpiakos"dan üstün deyil. Ona görə də "Qarabağ" belə klublarla oynamağa alışıb. Belçika təmsilçisi, əlbəttə ki, yaxşı komandadı. Lakin Konfrans Liqasının pley-off mərhələsi 2 matçdan ibarətdi. Hər birimiz üçün gərgin və maraqlı oyunlar kimi yadda qalacaq. Ümid edirəm ki, “Qarabağ" qalib tərəf olub bizi sevindirər. Məncə, təmsilçimiz cütün favoritdi. Avrokuboklar başladığı gündən "Qarabağ" çox yaxşı futbol sərgiləyir. Ən əsası sabit oynayır. Ümid edirəm ki, növbəti mərhələyə keçən tərəf biz olarıq. Bu rəqibi keçəndən sonra komandanın motivasiyası daha da yüksələcək”.