Karlos ''Real''a meydan oxuyan Vidalın cavabını verdi
''Real''ın əfsanəsi Roberto Karlos hazırda ''Flamenqo''nun şərəfini qoruyan Arturo Vidalın cavabını verib.
Bilindiyi kimi bir neçə gün öncə Braziliya təmsilçisi Libertadores kubokunun qalibi olub və Klublararası Dünya Çempionatında iştirak etməyə haqq qazanıb. ''Flamenqo'' bu turnirdə ÇL-in son qalibi ''Real'' ilə qarşılaşa bilər. Əvvəlki illərdə bir neçə dəfə Madrid nəhənginin əleyhinə açıqlamaları ilə diqqət çəkən sabiq ''Barselona''lı Vidal kubokun təqdimolunma mərasimi zamanı mikrofonu əlinə alaraq ''Real''a meydan oxuyub. Karlos bunları deyib:
''Vidal dəfələrlə ''Real'' haqda fikir bilirib və sonra da meydana çıxanda heç ayağına top da dəyməyib. Ona ''sakit ol, dostum. ''Real'' haqda çox düşünürsən. Sən əvvəl finala çıx, sonra ''Real''dan danış'' dedim. KDÇ qısa turnirdi. İndidən onu analiz etmək düzgün deyil. Çünki finalda kimin oynayacağı bilinmir. Məsələn, 2018-də hamı ''Real'' – ''River Pleyt'' finalını gözləyirdi. Amma ''River Pleyt'' yarımfinalda ''Əl-Əyn''ə uduzdu. Kim daha çox motivasiyalıdısa, o da qalib gələcək. Adətən avropalılar bu turnirin onlar üçün ciddi önəm kəsb etmədiyini deyirlər. Amma bunu bir qayda olaraq çempion olduqdan sonra deyirlər''.
Digər xəbərlər
