Həftəiçi keçirilən İntizam Komitəsinin iclasında “Zirə” – “Neftçi” matçında jurnalistlərin zona 1-də PFL-in verdiyi akkreditasiyaları üzərlərində görünən şəkildə asmadıqları üçün “qartallar”a xəbərdarlıq olunduğundan xəbəriniz var.

Bu qərar istər mediada, istərsə də sosial şəbəkələrdə çox müzakirə olundu. Çoxları sözügedən qarşılaşmaya AFFA nümayəndəsi kimi təyinat alan Elçin Məmmədovu protokola etdiyi qeydlərə görə hətta qınadı, onun bu addımını absurd adlandırdı.

Ancaq İK-nın qərarında diqqət çəkən bir nüans var ki, çoxları bu məqamı nəzərə almadı. Zona 1-ə media nümayəndələrinin girişi qadağandı. Ora yalnız klub rəsmiləri, futbolçular, hakim-inspektor və AFFA nümayəndəsi daxil ola bilər. Bəs belə olan halda həmin zonaya jurnalistlər necə daxil olub?
Məsələ ilə bağlı maraqlandıq və məlum oldu ki, orda media əhlindən heç kim olmayıb. PFL-ə yaxın mənbədən “Football-plus.az” saytına daxil olan məlumata görə qaydaları pozan Misli premyer-liqasının yayın hüquqna sahib olan “CBC Sport”un əməkdaşları olub.

RƏŞAD