Ertel Rusiyanı seçməyin güdazına getdi
Rusiya bir şər imperiyasıdı.
Football-plus.az xəbər verir ki, bunu biz həm öz üzərimizdə hiss etmişik, həm də başqalarının təcrübəsundə görürük. İşğalçının yanında olan idmançının da cəzalanması təbiidi.
“L'Equipe” qəzeti Fransa Basketbol Federasiyasının prezidenti Jan-Pyer Syutaya istinadla Tom Ertelin “Zenit”ə keçdiyinə görə yığmadan uzaqlaşdırıldığını xəbər verib. 33 yaşlı basketbolçu Rusiya klubu ilə sentyabrda müqavilə bağlayıb. Syutanın bununla bağlı fikirləri:
“Toma vəziyyəti aydın şəkildə təsvir etmişdik. Ancaq o öhdəliyini pozdu. Məndən soruşursuzsa, hesab edirəm ki, Ertel bir daha yığmada görünməyəcək. Hər şey bitdi”.
Xatırladaq ki, hələ builki Avropa çempionatına hazırlıq dövründə Fransa Basketbol Federasiyası bütün oyunçulara Rusiyada və Belarusda oynamayacaqları ilə bağlı kağıza imza atdırmışdı. Ertel son qitə birinciliyinin gümüş medalını qazanıb. Oyun qurucusu Avroliqada “Efes”, ASVEL, “Baskoniya”, “Barselona” və “Real” forması geyib.
Digər xəbərlər
