Srağagün basketbol üzrə Avroliqada pley-off mərhələsi start götürdü.

Müntəzəm çempionatın sonuclarına görə bu mərhələyə adlayan komandaların siyahısını dərc etmişdik. 1/4 final cütləri isə belə formalaşıb: Barselona (1) – Bavriya (8), Real (4) – Makkabi T-Ə (5), Olimpiakos (2) – Monako (7), Milan (3) – Efes (6). Seriyalar komandalardan birinin üç qələbəsinə qədər davam edəcək. Srağagün keçirilən ilk oyunlarda “Efes” səfərdə, “Barselona” isə evdə inamlı qələbə qazandı.

Aprelin 3-də Vilnüsdə keçirilən “Jalgiris” – “Srvena Zvezda” oyunundan əvvəl yaşanan qalmaqaldan xəbərdarsız. Belə ki, meydan sahibi komandanın oyunçuları Rusiyanın hərbi təcavüzünə məruz qalan Ukraynaya dəstək banneri qaldırsa da, “Srvena Zvezda”nın oyunçuları onlara qoşulmamışdı. Serbiya klubu oyundan bir neçə gün əvvəl bu təşəbbüsə qoşulmayacağını bəyan etmişdi. Rusiya ilə Serbiyanın bütün məsələlərdə müttəfiqlik etdiyini nəzərə alsaq, burda qəribəlik axtarmağa dəyməz. Zalım zalımı tapar, xeyirxah da xeyirxahı! Litvalı azarkeşlər isə oyunun gedişində qonaq oyunçuları fitə basmaqla yanaşı, Ukrayna ilə NATO-nun bayraqlarını açmış, serblərin ünvanına təhqiramiz şüarlar səsləndirmişdi. Avroliqanın müvafiq qurumu “Jalgiris”i azarkeşlərinin davranışına görə 9 min avro cərimələyib və Litva klubuna xəbərdarlıq edib.

Dünən axşam “Real” da 1/4 finalın ilk oyununa çıxıb. Bu oyun ərəfəsində müdafiəçi Tomas Ertellə hücumçu Trey Tompkinsin intizam pozuntusuna görə heyətdən uzaqlaşdırılmasıyla bağlı xəbərlər yayılmışdı. Ancaq hər iki basketbolçu komandanın son məşqinə qatılıb. “Real”ın baş məşqçisi Pablo Laso belə açıqlama verib:

1/4 final, ilk oyunlar
Milan (İtaliya) – Efes (Türkiyə) 48:64 (16:11 , 10:18 , 8:17 , 14:18 )
Barselona (İspaniya) – Bavariya (Almaniya) 77:67 (20:22, 23:11, 19:18, 15:16)
Olimpiakos (Yunanıstan) – Monako (Fransa) ??
Real (İspaniya) – Makkabi T-Ə (İsrail) ??