Mahir Emreli "Çelsi"yə qarşı oynadığı matçı belə şərh etdi
Dünən Çempionlar Liqasının E qrupunun son matçında "Çelsi" "Dinamo"nu (Zaqreb) 2:1 hesabı ilə məğlub etdi.
Football-plus.az xəbər verir ki, Mahir Emreli də bu görüşün iştirakçısı oldu. 69-cu dəqiqədə oyuna daxil olan azərbaycanlı forvard matçdan sonra UEFA-nın rəsmi saytına açıqlama verib. Mahir əvvəlcə azarkeşlər haqda danışıb:
"Bundan öncə 2 klubun heyətində bir çox komandalara qarşı oynadım. Amma "Dinamo" azarkeşləri olduqca möhtəşəmdilər. Son dəqiqəyə kimi necə dəstək olacaqlarını yaxşı bilirlər. Onlar komandanın məğlub olmasına və ya qalib gəlməsinə fikir vermirlər. Həmişə onların dəstəyini hiss edirik. Azarkeşlərimizə dəstək olmaq üçün 10 dəqiqə onların yanında qaldıq. Çünki uzun yol gəlmişdilər. Hər birinə təşəkkür edirəm".
Millimizin üzvü Çempionlar Liqasındakı çıxışlarını da şərh edib:
"Oyunlarda nələri səhv etdiyimizi söyləyə bilmərəm. Bunları təhlil etməliyik. Bu görüşlər keçmişdə qaldı. Nəticələrimizi təcrübə əldə etmək kimi dəyərləndirib yolumuza davam etməliyik".
Mahir Emreli sonda "Çelsi" ilə matç haqda da danışıb:
"Bizim üçün həqiqətən çox çətin oyun idi. Lakin oyunda əla başladıq. Konkret ilk 15 dəqiqə bizim üstünlüyümüzlə keçdi. Rəqibimiz çox güclü komandadı. Bunu hamı dərk edirdi. Bəzi anlarda oyuna nəzarəti itirdik və hədəfimizə çata bilmədik. Həm biz, həm də rəqib bəzən oyuna nəzarət edirdi. Bunu hiss etdik. Lakin "Çelsi" ikinci hissəyə çox yaxşı başladı. Çoxlu qol şanslarını qaçırdıq. Ən azından 1 xala layiq idik. Yekunda rəqib qələbə qazandı. "Çelsi"ni təbrik edirəm".
İLKİN SULTANLI
Digər xəbərlər
