“Flamenqo” isə azarkeşlərini növbəti dəfə məyus etdi.

"Football-plus.az" xəbər verir ki, braziliya çempionatının vitse-çempionu əvvəlki turda evdə hələ ki liqanın ən zəif komandası sayılan “Fortaleza”dan xal ala bilməmişdi – 1:2. Ölkə nəhəngi bu dəfə “Braqantino”ya uduzdu. Yeri gəlmişkən, ardıcıl 2-ci, cari mövsümdəki 4-cü məğlubiyyət rəhbərliyin “səbr kasasını daşırıb”: Paulu Souza baş məşqçi vəzifəsindən istefaya göndərilib.

Ötən ilin dekabrında Polşa yığmasını qalmaqallı şəkildə yarıyolda qoyub Braziliyaya qaçan portuqaliyalının Rio de Janeyro macərası yarım il çəkib. Komanda onun rəhbərliyi altında bütün turnirlərdə keçirdiyi 32 oyunda 19 qələbə qazanıb, rəqibləri ilə 7 dəfə heç-heçə edib və 6 matçda məğlub olub.