Çempionlar Liqasında qrup mərhələsinin 5-ci turunun ən yaxşıları müəyyənləşib.

Football-plus.az xəbər verir ki, iki nominasiya üzrə qaliblərin adı açıqlanıb.

UEFA-nın rəsmi saytının xəbərinə görə, “Portu”nun hücumçusu Mehdi Taremi turun ən yaxşı oyunçusu adına layiq görülüb. İranlı futbolçu Rafael Silva (Benfika), Lionel Messi (PSJ) və Covanni Simeoneni (Napoli) arxada qoyub. Xatırladaq ki, Taremi “Brügge”yə 4:0 hesabı ilə qalib gəldikləri matçda dubl etmişdi.

5-ci turunun oyunlarından sonra həftənin ən yaxşı qolu da müəyyənləşib. Bu nominasiyada Lionel Messinin “Makkabi”yə (Hayfa) vurduğu ilk qol qalib gəlib. PSJ-nin 35 yaşlı hücumçu matçın 19-cu və 44-cü dəqiqələrində qapıya yol tapmışdı.

Turun rəmzi yığması da aşıqlanıb: qapıçı - Dioqo Koşta (Portu); müdafiəçilər - Qonsalo Montyel (Sevilya), Matteo Qabbya (Milan), Leo Estiqor (Napoli), Endryu Robertson (Liverpul); yarımmüdafiəçilər - Serj Qnabri (Bavariya), Markus Edvards (Sportinq), Yannik Karrasko (Atletiko); hücumçular - Lionel Messi, Kilian Mbappe (hər ikisi PSJ), Mehdi Taremi (Portu).