Yaponiya millisinin sabiq hücumçusu Masato Kudo vəfat edib.

Football-plus.az xəbər verir ki, o, 32 yaşında dünyasını dəyişib.

Yerli mənbələrin yaydığı xəbərə görə, futbolçu beyin əməliyyatından bir gün sonra reanimasiyada ölüb. Bu ayın əvvəlində Kudoya hidrosefali diaqnozu qoyulmuşdu. Bu vəziyyət beyində artıq mayenin yığılması deməkdi.

Kudo karyerası ərzində “Kaşiva Reysol”, “Vankuver Uaytkaps” (Kanada), “Sanfreççe Hirosima”, “Renofa Yamaquçi”, “Brisben Roar” (Avstraliya) və “Teqevacaro Miyaqaçi” klublarında çıxış edib. Yaponiya yığmasında 2013-cü ildə 4 oyuna çıxıb və 2 qol vurub.