Hindistanlı şahmatçı Dommaraju Qukeş "Meltwater Champions Chess Tour" onlayn şahmat seriyasının 8-ci mərhələsi olan “Aimchess Rapid”də tarixə düşüb.

Football-plus.az xəbər verir ki, 16 yaşlı qrossmeyster norveçli Maqnus Karlseni dünya çempionu kimi məğlub edən ən gənc oyunçu adına sahib çıxıb. Qukeş 9-cu turda təcrübəli şahmatçıya qalib gəlib. O, 16 yaş 4 ay 20 günündə bunu bacarıb.

Əvvəlki rekord Qukeşin həmvətəni Rameşbabu Praqqnanandhaya məxsus olub. Praqqnanandha 16 yaş 6 ay 10 günündə Karlseni büdrədib.