Davakar Qrin “Qolden Steyt”dən getmək istəmir
“Qolden Steyt”in forvardı Dreymond Qrin klubdakı gələcəyini necə gördüyü haqda açıqlama verib.
İş ondadı ki, oktyabrın 7-də sosial şəbəkələrdə onunla komanda yoldaşı Cordan Pul arasında məşqdə yaşanan davanın videosu yayılıb. Kameralara Qrinin Pulu nokauta saldığı an düşüb:
“Klubdakı gələcəyimlə bağlı təsəvvürüm belədi ki, mən qarşıdakı mövsümdə “Qolden Steyt”in oyunçusuyam və çempionluq qazanmağa çalışacam. Müqaviləmin müddəti 2024-ə qədərdi, mümkün uzadılma ilə bağlı bənddən yararlansam. Müqavilə müddətinin uzadılmasına gəlincə, toplanış vaxtı rəhbərliyə dedim ki, indi anlaşacağımızı gözləmirəm. Ancaq bu getmək istədiyim anlamına gəlmir”.
Maraqlıdı ki, məşqdəki qalmaqala rəğmən, “Qolden Steyt” Qrini heyətdən uzaqlaşdırmağı lazım bilməyib.
Digər xəbərlər
