Avropa Liqasının qrup mərhələsinin 4-cü turuna start verilib.

Football-plus.az xəbər verir ki, "Qarabağ" "Olimpiakos"la heç-heçə edib - 0:0. Oyundan sonra Yunanıstan təmsilçisinin çalışdırıcısı Miçel Qonzalesin mətbuat konfransı keçirilib. Mütəxəssis jurnalistlərin suallarını cavablandırıb:

- Nəticədən razısız?
- Oyunçularımı təbrik edirəm. Belə gərgin vəziyyətdə oynamaq asan deyil. Gələcəyə ümidlə baxırıq.

- “Olimpiakos” Afinaya 2 zədəli futbolçu ilə qayıdır...
- Komandadakı vəziyyət aydındı. Mvila ağrılarla oynadı. Bu durumdan bir yerdə çıxmağa çalışacağıq.

- Stadiondakı ab-hava oyununuza necə təsir etdi?
- Stadion dolu olanda bundan zövq qalıram. "Qarabağ" yaxşı, baxımlı futbol oynayır. Azarkeşlər də onlara dəstək olurdu. Yəqin ki, fanatlar razı qaldılar.

- Oyuna 3 mərkəz müdafiəçisi ilə başladız. Sonradan sistemi dəyişdiz. Bundan sonra komanda daha yaxşı görünürdü...
- Məşqlərə başlayanda 3 mərkəz müdafiəçisi ilə oynamaq fikrimiz yox idi, sadəcə, oyuna belə başladıq. Amma sonradan sistemi dəyişdik. Gördük ki, belə daha yaxşı oynayırıq. Vrsalyonun fiziki durumu da ürəkaçan deyildi. Sistemi dəyişdikdən sonra komandanın daha yaxşı oynaması gələcək üçün ümid verdi.

- Hər iki oyunu götürdükdə "Qarabağ" sizi nə ilə təəccübləndirdi?
- Oradakı nəticə bizim üçün amansız oldu. Məğlubiyyətə layiq deyildik. Oyunun əsas hissəsində dominant tərəf idik. İki oyunu müqayisə etsək, ilk matçdakı hər səhv qol buraxmağımızla nəticələndi. Hücumda bir çox alternativi olan, bir-birinə uyğunlaşmış futbolçulardan ibarət komandaya qarşı oynamışdıq. Onlardan topu almaq və dominantlıq etmək heç də asan deyildi.