“FourFourTwo” jurnalı futbol tarixinin ən yaxşı oyunçularının yeni reytinq siyahısını açıqlayıb.

Football-plus.az xəbər verir ki, İngiltərə nəşrinin tərtib etdiyi son siyahıya 100 futbolçu daxil edilib.

Reytinq cədvəlinə PSJ-nin və Argentina millisinin hücumçusu Lionel Messi başçılıq edir. Əfsanəvi argentinalı Dieqo Maradona 2-ci, “Mançester Yunayted”in və Portuqaliya yığmasının oyunçusu Kriştiano Ronaldo isə 3-cü yerdədi. İlk “100-lüy”ə sabiq SSRİ yığmasının iki üzvü layiq bilinib. Sabiq qapıçı Lev Yaşin 31-ci, hücumçu Oleq Bloxin isə 52-ci yerdədi. “FourFourTwo”nun son siyahısının ilk “10-luğ”unu nəzərinizə çatdırırıq.

1. Lionel Messi (Argentina)
2. Dieqo Maradona (Argentina)
3. Kriştiano Ronaldo (Portuqaliya)
4. Pele (Braziliya)
5. Zinəddin Zidan (Fransa)
6. Yohan Kroyff (Niderland)
7. Corc Best (Şimali İrlandiya)
8. Frants Bekkenbauer (Almaniya)
9. Ferents Puşkaş (Macarıstan)
10. Ronaldo (Braziliya)