“Formula-1”ə gələndən Yaponiya yarışını səbirsizliklə gözləyirdim. “Formula-4”də yarışarkən Suzukada trassa çıxmışam və müəyyən təcrübəm var. Bu yaxınlarda “Formula-1” bolidi ilə simulyatorda sürdüm və fərqli hiss yaşadım. Burda asfaltayatma qüvvəsi çox olduğuna görə “Formula-4” bolidi ilə müqayisədə daha çox tam qazla gedə bilirik. Trassın görüntüsü də dəyişir. Keçmişdə qazandığım təcrübə işə yarayacaq. Öz publikam önündə yarışmaq üçün səbirsizlənirəm. Bu yarışa azarkeşlərin marağı böyük olacaq. Mənim üçün də başqa yarışlardan fərqli olacaq.

Mənə olan maraqdan razıyam. Onsuz da təzyiqdən təsirlənmirəm. Sürərkən ancaq özümə fokuslanıram. Buna görə də azarkeşlərin dəstəyi mənə pozitiv enerji verəcək. Dostlarım və ailəm də Suzukaya gələcək. Bilet bağışlaya bilmədiyim dostlarım belə bilet alıb gələcəklər. Ən əsası da həftəsonu ərzində Yaponiya mətbəxindən dada biləcəm”.