"Futbolçular özlərini peşəkar və soyuqqanlı apardılar” - Qurban Qurbanov
“Azarkeşlərin oyunçulara böyük təzyiqi var idi. Gərginlik həddindən artıq hiss olunurdu".
"Footbal-plus.az" xəbər verir ki, bu sözləri “Qarabağ”ın baş məşqçisi Qurban Qurbanov Heydər Əliyev Beynəlxalq Hava Limanında jurnalistlərə açıqlamasında deyib.
O, Avropa Liqasının qrup mərhələsinin 3-cü turunda səfərdə “Olimpiakos”a 3:0 hesablı qələbəni dəyərləndirib. Mütəxəssi oyunun keçirildiyi "Georgios Karaiskakis" stadionunda gərgin atmosfer olduğunu deyib: "Televiziya qarşısında fərqli görünə bilərdi, amma canlı tam başqa idi. Azarkeşlərin oyunçulara böyük təzyiqi var idi. "Buna baxmayaraq, futbolçular özlərini peşəkar və soyuqqanlı apardılar”.
Çalışdırıcı vacib 3 xal qazandıqlarını deyib: “Bizim üçün vacib oyun idi. Dəyərli 3 xal qazandıq. Yaxşı oyun sərgilədik və futbolçulardan çox razı qaldım. Futbolçular matçın sonuna qədər özlərini düzgün idarə edə bildilər. Bu, çox önəmli idi. İlk və ikinci hissədəki gərginliklər tamam fərqli idi. Hesabda öndə olanda bəzən futbolçu hansısa epizodlarda ehtiyatlanır. Rəqibin sıfır xalı var idi və qalib gəlməyi çox istəyirdilər. Evdə oynayan komanda ilk dəqiqələrdən daha sürətli oynaya və təzyiq göstərə bilər. İkinci yarıda rəqibdə boşluqlar daha çox oldu və bundan yaxşı istifadə edə bildik”.
Digər xəbərlər
