Avropa Liqasının qrup mərhələsinin 3-cü turunun oyunlarına start verilib.

“Qarabağ” Yunanıstanda “Olimpiakos”un qonağı olub. Təmsilçimiz səfərdə 3:0 hesabı ilə qalib gəlib.

Avropa Liqası
qrup mərhələsi, G qrupu
Olimpiakos (Yunanıstan) - Qarabağ 0:3
Qol: Ovusu Kvabena, 68, Marko Veşoviç, 82, Ramil Şeydayev, 85
“Olimpiakos” 88. Kostas Tsolakis, 2. Şime Vrsalko, 5. Andreas Buxalakis (k), 6. Yan Mvila, 8. Pyer Kunde, 18. Hvan Ui Co, 21. Pep Biel, 26. Qonsalo Avila, 45. Oleq Ryabçuk, 66. Pape Abu Sisse, 77. Qarri Rodriges
Ehtiyat oyunçular: 91. Aleksandros Pasxalakis, 99. Atanasios-Teoloqos Papadudis, 12. Marselo, 17. Marius Vrusai, 28. Matyö Valbuena, 33. Hvanq İn-Beom, 74. Andreas-Rixardos Ntoi, 47. Abubakar Kamara, 19. Yorqos Masuras, 15. Sokratis Papastatopulos, 20. Coş Bouler
Baş məşqçi: Miçel Qonsales

“Qarabağ”: 1. Şahruddin Məhəmmədəliyev, 13. Bəhlul Mustafazadə, 29. Marko Veşoviç, 55. Bədavi Hüseynov, 2. Qara Qarayev (k), 10. Abdullah Zubir, 7. Riçard Almeyda, 20. Kadi Borqes, 11. Ovusu Kvabena, 44. Elvin Cəfərquliyev, 15. Leandro Andrade
Ehtiyat oyunçular: 23. Luka Quqeşaşvili, 89. Amin Ramazanov, 30. Abbas Hüseynov, 18. İsmayıl İbrahimli, 22. Musa Qurbanlı, 6. Julio Romao, 77. Ramil Şeydayev, 27. Toral Bayramov, 19. Filip Ozobiç, 81. Kevin Medinaiç, 4. Rahil Məmmədov, 5. Maksim Medvedev
Baş məşqçi: Qurban Qurbanov
Hakimlər: İRFAN PELTO, Davor Belyo, Damir Laziç, Antoni Bandiç (hamısı Bosniya və Hersoqovina).
VAR hakimi: Jereon Mansçot (Niderland).
VAR hakiminin köməkçisi: Ervin Blank (Niderland).
6 oktyabr. Pirey. Georgios Karaisakis stadionu. Saat 23.00

Yunanıstan klubu bütün turnirlərdəki son 4 matçında qalib gələn “Qarabağ”ı qəbul edəcək. “Olimpiakos”un daxili birincilikdəki nəticələri o qədər də pis deyil. Ancaq eyni sözləri Avropa Liqasındakı çıxış haqda demək olmaz. Pirey klubunun baş məşqçisi Miçel hücumçu problemindən narahatlıq keçirməlidi. “Qarabağ” isə əksinə, hücumda çox məhsuldardı. Son iki matçda 10 qol vurmaları buna nümunədi. “Olimpiakos” kağız üzərində daha çox avrokubok təcrübəsi olan komanda kimi görünə bilər. Ancaq nəticələrə baxanda “Qarabağ”da özünəinam və keyfiyyətin daha yüksək olduğunu deyə bilərik. Ağdamlıların güclü hücum xətti Pireydə də rəqibinə başağrı olacaq.Yunanıstan çempionu qrupda uğursuz start götürüb. Buna baxmayaraq, meydan sahibləri ikinci ev oyununda müsbət nəticəyə ümid edə bilər. “Qarabağ”ın hədəfi isə qrup mərhələsini adlamaqdı.

Hazırda hər iki komandanın heyətində problem var. Pireylilərdə Yussef Əl-Ərəbi, Hvan Ui-Jo, Usseynu Ba, Panayotis Retsos və Tomaş Vatslikin oynamayacağı dəqiqdi. “Qarabağ”da, sadəcə, Marko Yankoviç zədəlidi. Onun meydana çıxıb-çıxmayacağı oyuna saatlar qalmış bəlli olacaq. Bundan başqa, “Olimpiakos” xüsusən də hücum xəttində sıxıntı yaşayır. Sedrik Bakambunun Avropa Liqası üçün sifariş olunmaması, Yussef Əl-Ərəbinin isə zədələnməsi baş məşqçi Miçelin planlarını pozub. İspaniyalı mütəxəssisin hazırda sərəncamındakı yeganə forvard Abubakar Kamaradı. Ancaq mütəxəssis mavritaniyalıya güvənmir. Bu səbəbdən “Qarabağ”la qarşılaşmada pleymeyker Pep Bieli gizli “9 nömrə” kimi oynatmağı planlaşdırır.

Görüş “Qarabağ”ın Yunanıstan klublarına qarşı 3-cü sınağıdı. Ağdamlılar bundan öncə Avropa Liqasının 2016/17 mövsümündə J qrupunda PAOK-a rəqib olub. Bakıda keçirilən ilk görüşdə ağdamlılar 2:0 hesabıyla qalib gəlib. Səfər matçı da komandamızın xeyrinə başa çatıb - 1:0. Qurban Qurbanovun komandası bu görüşdə yubiley qələbəsini qazana bilər. Ağdamlılar avrokuboklarda 25-ci səfər qələbəsinin astanasındadı. Təmsilçimiz indiyədək 24 səfər matçında qalib gəlib. Avropa səhnəsinə 1996-cı ildə çıxan “Qarabağ” 26 ildə səfərdə 75 oyun keçirib. 24 qələbə və 17 heç-heçəsi olan komanda 34 dəfə uduzub. Rəqib qapılarından 73 top keçirən “Qarabağ” 111 qol buraxıb. “Köhlən atlar” Yunanıstanda 2 qol vuracağı halda 75-ci səfər qoluna sevinəcək.
Maraq üçün qeyd edək ki, matça təyinat alan İrfan Pelto bu mövsüm artıq bir dəfə “Qarabağ”ın oyununda fit çalıb. 38 yaşlı referi Çempionlar Liqasının 2-ci təsnifat mərhələsində İsveçrə “Sürix”i ilə Bakıda baş tutan qarşılaşmada ədaləti qoruyub. Həmin görüşdə Azərbaycan çempionu 3:2 hesablı qələbə qazanıb.